सुपा-मोरगाव रस्त्यावर सुमारे 62 लाखांचा स्पिरीट साठा जप्त
मोरगांव : राज्य उत्पादन शुल्क भरारी पथक क्रमांक २ यांनी बारामती तालुक्यातील भोंडवेवाडी गावच्या हद्दीत सुपा- मोरगाव रस्त्यावर असलेल्या रंगीला राजस्थान ढाबा येथे अतिशुद्ध मद्यार्क ( स्पिरिट ) साठा मुद्देमाल जप्त केला आहे. टॅंकर सुमारे 62 लाखाहून अधिक किमतीचा हा मुद्देमाल आहे.
याबाबत सविस्तर वृत्त असे की निरीक्षक राज्य उत्पादन शुल्क भरारी पथक क्रमांक २ पुणे यांना खात्रीलायक गोपनीय बातमी मिळाल्यानंतर सुपे - मोरगाव रोड वरील भोंडवेवाडी ता. बारामती , जि. पुणे येथिल रंगीला राजस्थान ढाबा येथे ढाब्याच्या आवारात टॅंकर लावून वाहन चालक सुखनाम दिलज्योत सिंग वय वर्ष 56 रा. कोटदाणा ता.जि . तरणतारण या इसमाने सदर ढाब्यावर वाहन लावून प्लास्टिक पाइपच्या साह्याने टँकरमधून अतिशुद्ध मद्यार्क चोरी करून आरोपी क्रमांक १ पुखराज टीकमजी भार्गव ( ढाबा चालक ) वय वर्षे 42 रा . कुतवळवस्ती रंगीला राजस्थान ढाबा ,सुपा मोरगाव रोड , ता. बारामती, जि. पुणे मूळ पत्ता मु. पो. कोठडी , तालुका दिसोरी , जिल्हा पाली ,राजस्थान यांना विक्री करणार असल्याचे समजते होते .
सदर ठिकाणी छापा घातला असता स्पिरिटची अवैधरित्या चोरी करताना रंगेहात पकडण्यात आले. सदर दोन्ही आरोपींविरुद्ध मुंबई दारूबंदी कायदा 1949 चे कलम 65 ( क , ड ) 81, 83 व 108 अन्वये गुन्हा दाखल केला आहे .सदर गुन्ह्यातील आरोपी कडून अशोक लेलँड कंपनीचा सोळा चाकी टॅंकर वाहन क्रमांक एम.पी . 09 ए . जे . 0277 या वाहनासह अंदाजे चाळीस हजार लिटर अतिशुद्ध मद्यार्क (स्पिरिट ) प्लास्टिक पाईप असा एकूण 62 लाख 7 हजार 110 रुपये किमतीचा मुद्देमाल जप्त करण्यात आलेला आहे . लॉकडाऊन काळात सर्वात मोठी कारवाई करण्यास पुणे राज्य उत्पादन शुल्क भरारी पथकाला यश आले आहे .सदर कार्यवाही प्रसाद सुर्वे विभागीय भरारी उप आयुक्त राज्य उत्पादन शुल्क पुणे विभाग , संतोष झगडे अधीक्षक राज्य उत्पादन शुल्क पुणे , संजय जाधव , संजय पाटील उपअधीक्षक राज्य उत्पादन शुल्क पुणे यांच्या मार्गदर्शनाखाली अनिल बिराजदार निरीक्षक राज्य उत्पादन शुल्क भरारी पथक क्रमांक दोन पुणे ,विजय मनाळे निरीक्षक राज्य उत्पादन शुल्क दौंड विभाग , विकास थोरात दुय्यम निरीक्षक सतीश इंगळे दुय्यम निरीक्षक , प्रशांत दहींजे , जवान सर्वश्री नवनाथ पडवळ , बि. आर .सावंत , विजय विंचुरकर , अशोक पाटील , महिला जवान मनिषा भोसले , जवान केशव वामणे , अभिजीत सिसोलेकर यांनी कार्यवाही केली . पुढील तपास विकास थोरात दुय्यम निरीक्षक राज्य उत्पादन शुल्क भरारी पथक क्रमांक दोन पुणे हे करीत आहे.
