नाझरे धरण 100 टक्यांच्या उंबरठ्यावर, रात्री 11 च्या दरम्यान कऱ्हा नदीत 2000 क्यूसेक्स ने विसर्ग चालू होणार

जेजुरी -  पुरंदर तालुक्यातील नाझरे धरण  100 टक्यांच्या उंबरठ्यावर असून रात्री 11 च्या दरम्यान धरणावरील २६  स्वयंमचलीत दरवाजे  उघडण्याची शक्यता आहे . यामुळे नाझरे धरणातुन अंदाजे 2000 क्युसेस  पाण्याचा  विसर्ग स्वयंचलित दरवाजातून होणार असल्याने नदीकाठच्या गावांना सतर्कतेचा इशारा नाझरे धरण शाखाधीकारी एस . जी . चौरंग यांनी दिलेला आहे .पुरंदर तालुक्यातील नाझरे  धरणाची क्षमता ७८८ दशलक्ष घनफूट ( पाऊण टीएमसी ) एवढी आहे. आज दि १५ ऑगस्ट रोजी रात्री 9 वाजता धरण  100  टक्के भरणार आहे . नारायणपूर, सासवड परिसरात मोठा पाऊस होत असल्याने धरण क्षेत्रात  चौदा हजार क्यूसेस  पाणी  येत आहे .  
               नाझरे धरण शाखाधिकारी एस . जी . चौलंग यांनी परीपत्रकाद्वारे  नदीकाठच्या गावातील ग्रामस्थांनी आपले पशुधन तसेच नदी पात्रालगतच्या विद्युत मोटरी  सुरक्षित ठिकाणी हलवण्यात आवाहन केले आहे . तसेच नदीपात्रामध्ये रात्री कोणीही न जाण्याचे आवाहन  त्यांनी केलेले आहे. परीपत्रकानंतर  आज याबाबत तरडोली व परिसरातील ग्रामपंचायतीने दवंडीद्वारे  गावच्या सतर्केचा ईशारा दिला  आहे.