शरद पवारांच्या गोविंद बागेत कोरोनाचा शिरकाव, चार कर्मचाऱ्यांना कोरोनाची लागण

बारामती शहर आणि तालुक्यात कोरोनाचा कहर वाढतच चालला असून राष्ट्रवादी काँग्रेस पक्षाचे अध्यक्ष शरद पवार यांच्या बारामती येथील गोविंद बाग या निवासस्थानी काम करणाऱ्या चार कर्मचाऱ्यांना कोरोना संसर्गाची लागण झाली आहे. त्यांच्यावर शासकीय मेडिकल कॉलेज येथे उपचार सुरू आहेत.

बारामतीत आतापर्यंत कोरोनाच्या संसर्गामुळे 25 जणांचा मृत्यू झाला आहे. खासदार शरद पवार यांच्या गोविंद बाग येथील निवास्थानी घरकाम व शेतात काम करणाऱ्या 58 वर्षीय, 27वर्षीय, 39 वर्षीय पुरूषाला आणि एका 40 वर्षीय महिलेला कोरोनाचा संसर्ग झाला असल्याचे वैद्यकीय अधिकारी डॉ. मनोज खोमणे यांनी सांगितले.