विनापरवानगी लग्न करणे पडले महागात, 50 जणांची परवानगी असताना 100 पेक्षा जास्त लोक उपस्थित असल्याने वधुपिता व कार्यालय मालकावर गुन्हा दाखल

कोऱ्हाळे बु|| - संपुर्ण जगभरात कोरोना (कोव्हीड –१९) या संसर्गजन्य विषाणुचा प्रादुर्भाव वाढत असुन त्याच्या वाढता प्रादुर्भाव रोखणेकरीता प्रतिबंधात्मक उपाययोजनांचे अनुषंगाने भारत सरकार व महाराष्ट्र शासनाने आपत्ती व्यवस्थापन अधिनियम २००५, भारतीय साथ अधिनियम १८ ९ ७ अन्वये वेळोवेळी पारीत केलेले आदेश, निर्देश, SOP चे इ.चे प्रभावी अंमलबजावणी करणेचे अनुषंगाने मा.अध्यक्ष, जिल्हा आपत्ती व्यवस्थापन प्राधिकरण तथा मा जिल्हाधिकारी सो पुणे यांनी जा क- जिल्हाधिकारी कार्यालय, पुणे जा क - जि आ.व्य./कावि / २४२/२०२१ पुणे दिनांक -१२/०३/२०२१ अन्वये लग्न समारंभ व इतर सामाजिक , राजकीय व धार्मिक कार्यक्रम जास्तीत जास्त ५० व्यक्तींच्या उपस्थितीत पार पाडणे बाबत व लग्न समारंभाचे ठिकाणी उपस्थितीत सर्व नागरीक, वाढपी, आचारी, वाजंत्री, भटजी, व वहाडी मंडळी यांनी मास्कचा वापर करुन सामाजिक अंतर (सोशल डिस्टन्स) पाळणे तसेच मंगल कार्यालय व्यवस्थापक / मालक यांनी लग्नसमारंभाचे प्रवेशव्दाराजवळ ऑक्सीमीटर, इन्फ्राथर्मामीटर (थर्मल स्कॅनिंग गन) चा वापर करणे तसेच प्रवेशव्दाराजवळ उपस्थितांचे नाव, मोबाईल क, व स्वाक्षरी घेणे, लग्नसमारंभाचे आयोजन करणेपुर्वी संबंधित पोलीस ठाणे मधुन रितसर अर्ज करुन कायदेशीर परवानगी घेणे इ.बाबत आदेश निर्गमित केलेले असलेने सदर आदेशाची अंमलबजावणी पोलीस स्टेशन हददीत होत आहे अगर कसे?

              याबाबत आज वडगाव निंबाळकर पोलीस स्टेशन कडुन पडताळणी केली केली असता निरा - बारामती रोड लगत असलेल्या अभिषेक मंगल कार्यालय मौजे सदोबाचीवाडी ता.बारामती जि.पुणे या मंगल कार्यालय मध्ये मंगलकार्यालय प्रवेशव्दाराजवळ मंगल कार्यालय व्यवस्थापक / मालक यांनी लग्नसमारंभाचे प्रवेशव्दाराजवळ ऑक्सीमीटर, इन्फ्राथर्मामीटर ( थर्मल स्कॅनिंग गन ) उपलब्ध न ठेवता लग्नाचे ठिकाणी अंदाजे १०० हुन अधिक नागरीकांनी गर्दी करुन कोणतेही सामाजिक अंतर (सोशल डिस्टन्स) न राखता सर्वांनी मास्कचा वापर न केलेने तसेच विनापरवानगी लग्नसमारंभाचे आयोजन करुन पार पाडणे संदर्भात कोणतीही रितसर परवानगी न घेता तसेच मा.जिल्हाधिकारी सो. पुणे मा अध्यक्ष, जिल्हा आपत्ती व्यवस्थापन प्राधिकरण तथा मा जिल्हाधिकारी सो पुणे यांचे वरील आदेशाचा अवमान करुन इतर नागरीकांच्या आरोग्यास धोका निर्माण होईल अशी कृती करीत असताना निदर्शनास आलेने वधु पिता १) श्री.निसारभाई शमसुददीन पठाण रा.चोपडज ता.बारामती जि. पुणे तसेच मंगल कार्यालय मालक २) त्रिंबक कोंडीराम भोसले रा कुरणेवाडी ता. बारामती जि.पुणे यांचे विरुद्ध शासनातर्फे गोपनीय पोलीस अंमलदार पो.कॉ. ज्ञानेश्वर पांडुरंग सानप नेमणुक - वडगाव निंबाळकर पोलीस स्टेशन यांनी फिर्याद दिलेने गु.र.नं- ९२/२०२१ महाराष्ट्र शासन आपत्ती व्यवस्थापन अधिनियम २००५, भारतीय साथ अधिनियम १८९७ सह भा.द.वि. १८८,२६९, २७० प्रमाणे गुन्हा दाखल झालेला आहे.