बारामती : पवईमाळ येथे अल्पवयीन मुलीवर ६० वर्षीय वृद्धाकडून अत्याचार

कोऱ्हाळे बु : अल्पवयीन मुलीला जबरदस्तीने शेतात नेऊन तिच्यावर बलात्कार केल्याचा घृणास्पद प्रकार बारामती तालुक्यातील पवईमाळ येथे घडला. याप्रकरणी वडगाव निंबाळकर पोलिसांनी अर्जुन जगन्नाथ कांबळे  (रा. पवईमाळ) या ६० वर्षीय वृद्धाला अटक केली आहे.

याप्रकरणी पीडितेच्या आईने फिर्याद दाखल केली. बुधवारी (दि. २८) दुपारी पवईमाळ येथे एका शेतात ही घटना घडली.  अल्पवयीन पीडित मुलगी शेळ्यांना शेवरीचा पाला आणण्यासाठी गेली होती.

      यवेळी कांबळे याने तिचा हात धरुन तिला ओढत ऊसामध्ये नेले. तेथे तिच्यावर बलात्कार केला. फिर्यादीचा चुलत दीर

ऊसाकडे येताना पाहून कांबळे हा तेथून पळून गेला.

       कुटुंबियांनी पीडितेकडे विचारणा केली असता कांबळे याने यापूर्वीही तिला चापट मारत जबरदस्तीने ऊसात नेवून बलात्कार केल्याचे तसेच याबाबत कोणाला काही सांगितल्यास तुझ्या लहान बहिणीला मारुन टाकीन अशी धमकी दिल्याचे पीडितेने सांगितले.

         पीडितेच्या आईने फिर्याद दाखल केल्यावर पोलिसांनी कांबळे विरोधात बलात्कार व बालकांचे लैगिक अपराधापासून संरक्षण कायद्यानुसार गुन्हा दाखल केला. सहाय्यक पोलिस निरीक्षक सोमनाथ लांडे यांच्या मार्गदर्शनाखाली उपनिरीक्षक श्रीगणेश कवितके यांनी कांबळे याला तात्काळ अटक केली.