कोऱ्हाळे बु: विवाहितेची विहिरीत उडी मारून आत्महत्या, सासू व दीर दोघांवर गुन्हा दाखल

बारामती तालुक्यातील कोऱ्हाळे बुद्रुक या ठिकाणी एका विवाहितेने घरासमोरील विहिरीत उडी मारून आत्महत्या केली आहे. रेश्मा राहुल पवार (वय 23 वर्ष) असे मयत विवाहितेचे नाव असून मयत विवाहितेच्या आईने दिलेल्या तक्रारीवरून  वडगाव निंबाळकर पोलिसांनी अमित राजेंद्र पवार व संगीता राजेंद्र पवार (दोघे राहणार कोऱ्हाळे बुद्रुक) या सासू व दीर दोघांविरोधात विवाहितेस आत्महत्येस प्रवृत्त केल्याप्रकरणी गुन्हा दाखल केला आहे.

      जुलै  2015 ते  दिनांक 10/9/2021 रोजी कालावधीत तिचे सासरी नांदत असताना तिस आरोपी अमित राजेंद्र पवार संगिता राजेंद्र पवार  यांना तिचे आई वडीलानी लग्नात मानपान दिला नाही या कारणावरून तिचा मानसिक व शारीरीक छळ करून तिस मारहाण शिवीगाळ करुन माहेरून 1 लाख रूपये घेवुन ये. असे म्हणुन शारीरीक मानसिक त्रास देवुन आत्महत्येस प्रवृत्त केल्याप्रकरणी गुन्हा दाखल केला आहे.

       पुढील तपास वडगाव निंबाळकर पोलिस स्टेशनचे सहाय्यक पोलीस निरीक्षक सोमनाथ लांडे यांच्या मार्गदर्शनाखाली पोलीस उपनिरीक्षक सलीम शेख करीत आहे.