मयुरेश्वर मोरगाव मंदिरात गणेश जयंती निमित्ताने हजारो भावीकांची मंदीयाळी

मोरगाव  :  मोरगाव ता . बारामती येथील अष्टविनायक तीर्थक्षेत्र मयुरेश्वर मंदीरात आज  गणेश जयंती निमित्ताने भावीकांनी  गर्दी केली होती  . माघ उत्सवाचा आजचा  चौथा दिवस असुन द्वार यात्रेची सांगता व  गणेश जयंती निमित्ताने  राज्यभरातील हजारो भक्तांनी    श्रींचे दर्शन घेतले असल्याची माहीती  चिंचवड देवस्थान ट्रस्टचे विश्वस्त विनोद पवार यांनी दिली 

  अष्टविनायक  तीर्थक्षेत्र मोरगाव ता . बारामती  येथील माघी यात्रा  उत्सव  सुरु आहे . या यात्रेच्या निमित्ताने सर्व धर्मीयांना  माघ शुद्ध प्रतीपदा ते माघ  शुद्ध पंचमी या काळात  मयुरेश्वराच्या मुख्य  मुर्ती गाभाऱ्यात जाऊन श्रींची  स्वहस्ते  पुजा  व जलाभिषेक करता  येतो. मात्र कोरोना  या विषाणूजन्य आजारामुळे खबरदारीचा उपाय म्हणून   प्रशासनाकडुन  परवानगी नाकारली आहे . यामुळे  उत्सव काळात  मुक्तद्वार दर्शानाचा लाभ घेता येत नाही . मात्र भावीकांना यात्रा काळात   नियमित दर्शन घेता येत असल्याने  गणेश जयंती निमित्ताने राज्यभरातून भाविकांनी  मोरगांव येथे  गर्दी केली होती .  

काल दि . ३  रोजी   माघी  यात्रा उत्सवाच्या निमित्ताने  चिंचवड देवस्थान ट्रस्टचे मुख्य पट्टाधीकारी  मंदार देव  महाराज   चिंचवड येथून मोरया गोसावी प्राप्त  मंगलमुर्तीची  स्वारी घेऊन   रात्री सात वाजता आले  .  यावेळी मंगलमुर्तीचे स्वागत  स्थानिक विश्वस्त विनोद पवार , विश्वस्त  विश्राम देव , राजेंद्र उमाप ,  मोरगावचे सरपंच निलेश केदारी व ग्रामस्थांनी केले.  मंगलमुर्तीची स्वारी मंदीरात गेल्यानंतर मंगलमुर्ती व मयुरेश्वर देवता  यांचा  भेट सोहळा संपन्न झाला . यानंतर आरती , नैवद्य  विविध धार्मिक  विधी संपन्न झाले .  आज  गणेश जयंती निमित्ताने  पहाटे पाच वाजता गुरव मंडळींची प्रक्षाळ पुजा झाल्यानंतर  भावीकांना श्रींच्या दर्शनासाठी मुख्य दरवाजा खुला करण्यात आला .

 ऱाज्यभरातील भावीकांची दिवसभर  भावीकांची   मंदीयाली  सुरु होती . आज गणेश  जयंती निमित्ताने  महापुजा , नैवद्य , तर रात्री १० वाजता  श्रींचा  पालखी  छबिना  , खिरापत  वाटप  हा कार्यक्रम संपन्न झाला .  श्रींस शेंदुर लेपन (शेंदुरपुडा ) झाल्यानंतर रात्रभर श्रीमन् महासाधू मोरया गोसावी पदे , आरती ,  आदी कार्यक्रम संपन्न झाले .