केंद्रानंतर राज्याचा मोठा निर्णय! महाराष्ट्रात पेट्रोल 2.8 तर डिझेल 1.44 रूपयांनी स्वस्त

मुंबई : केंद्र सरकारच्या पाठोपाठ राज्य सरकारने देखील नागरिकांना दिलासा देत व्हॅटमध्ये सूट जाहीर केली असून यामुळे ग्राहकांना ट्रोल 2.8 तर डिझेल 1.44 रूपयांनी स्वस्त मिळणार आहे. 

       सर्वांसाठी दिलासादायक बातमी समोर आली आहे, महाराष्ट्र सरकारने पेट्रोल डिझेलचे दर कमी करण्यात आले आहेत, पेट्रोल दरांमध्ये 2 रुपये 8 पैशांनी स्वस्त मिळेल तर डिझेल 1 रूपया 44 पैसे स्वस्त होणार आहे. केंद्राकडून काल अबकारी करामध्ये कपात करण्यात आली होती त्यानंतर राज्य सरकारने देखील हा निर्णय घेतला आहे. शनिवारी केंद्र सरकराने पेट्रोलच्या दरात 8 रुपयांनी तर डिझेलच्या दरात 6 रुपयांनी कपात केली आहे. त्यानंतर केंद्रीय अर्थमंत्र्यांनी राज्य सरकारांना करात कपात करण्याची विनंती केली होती. 

       केंद्र सरकारच्या निर्णयानंतर राज्य सरकारांवर याबाबत दबाव वाढला होता दरम्यान केरळ सरकारने देखील सामान्यांना दिलासा देण्याचा निर्णय घेतला होता, त्यानंतर महाराष्ट्रात देखील ठाकरे सरकारने सामान्यांना दिलासा देण्याचा निर्णय घेताला आहे.