चालकाचा ताबा सुटल्याने पणदरे खिंड नजीक चारचाकी वाहनाचा भीषण अपघात; भयानक अपघातात गाडी झाली पलटी

कोऱ्हाळे बु- निरा-बारामती रोडवर पणदरे खिंड नजीक मारुती सुझुकी कंपनीची गाडी क्र. MH42AH0796 या गाडीचा अपघात झाला असून अपघातातील जखमींना रुग्णालयात दाखल करण्यात आले आहे. 

     सविस्तर माहिती अशी की, निरा-बारामती रोडवर खामगळपाटी ते पणदरे खिंड नजीक वडगांव निंबाळकरच्या दिशेने निघालेल्या गाडीच्या चालकाचे गाडीवरील नियंत्रण सुटल्याने हा अपघात झाला. अपघाताची तीव्रता एवढी होती की, गाडी रस्त्याच्या कडेला असलेल्या खड्यात गेल्याने गाडी पलटी झाली. अपघातावेळी गाडीमध्ये सुनील बेलसरकर, राजू कांबळे व बापू धर्माधिकारी या 3 व्यक्ती होत्या. अपघातात सुदैवाने कोणतीही जीवितहानी झाली नसून सर्वजण सुखरूप आहेत. सर्वांना रुग्णालयात उपचारासाठी दाखल करण्यात आले आहे.

          अपघातातील सुनील बेलसरकर यांचे वडगांव निंबाळकर येथे सोन्याचे (वरद ज्वेलर्स) दुकान आहे. त्यांच्या दुकानाकडे ते चालले होते त्यावेळी हा अपघात झाला. 

      घटनास्थळी वडगांव निंबाळकर पोलीस स्टेशनचे फणसे, खोमणे उपस्थित होते.