ग्रामपंचायत निवडणूक २०२२; १३ गावांत सरपंच व सदस्यपदी कोण आले निवडून; पहा एका क्लिकवर

बारामती तालुक्यातील १३ ग्रामपंचायतीचा निकाल आज जाहीर झाला. निकालात राष्ट्रवादीने बाजी मारली. 

         तालुक्याचे लक्ष लागून असलेल्या पणदरे ग्रामपंचायतीची पंचवार्षिक निवडणुक अत्यंत चुरशीच्या वातावरणात पार पडली. माळेगावचे माजी चेअरमन तानाजी कोकरे यांच्या पॅनेलने सरपंचपदाची बाजी मारली, मात्र सत्यजित जगताप व विक्रम कोकरे यांच्यासह त्यांच्या सहकाऱ्यांनी उभ्या केलेल्या पॅनेलला गावकऱ्यांनी मोठी साथ दिल्याने त्यांच्या गटाचे ८ उमेदवार विजयी झाले. तर तानाजी कोकरे व त्यांच्या सहकाऱ्यांच्या नेतृत्वाखालील पॅनेलने ७ जागा व सरपंचपदाची जागा अजित सोनवणे यांनी जिंकली.

 निवडून आलेल्या जागा पुढीलप्रमाणे :-

       पळशी ग्रामपंचायतीत जिल्हा परीषदेचे माजी सभापती भाऊसाहेब करे व माजी उपसरपंच माणिक काळे, राष्ट्रवादीचे उपाध्यक्ष तानाजी कोळेकर व त्यांच्या सहकाऱ्यांच्या नेतृत्वाखालील जय हनुमान ग्रामविकास परिवर्तन पॅनेलने बाजी मारली. सरपंचपदाच्या जागेसह १० पैकी १० जागा जिंकून एकतर्फी वर्चस्व प्रस्थापित केले. 

      कुरणेवाडी गावात बारामती दूध संघाचे अध्यक्ष संदीप जगताप यांना मोठा धक्का बसला असून कुरणेवाडी काळभोर गटाने ६ विरूध्द २ जागांनी संदिप जगताप यांना काळभोर गटाने धक्का दिला आहे. हनुमंत काळभोर व सूर्यकांत काळभोर यांनी जगताप यांनी जगताप गटाला कडवे आव्हान दिल्याने गावच्या सरपंचपदी आशा किसन काळभोर या निवडून आल्या आहेत. येथे वारूळबाबा स्वाभिमान पॅनेलने बाजी मारली आहे.

      गडदरवाडीत सतिशभैय्या काकडे, प्रमोद काकडे व सोमेश्वरचे संचालक अभिजित काकडे यांच्या नेतृत्वाखाली असलेल्या श्री सोमेश्वर ग्रामविकास पॅनेलने बाजी मारत सरपंचपदासह सर्व जागा जिंकल्या आहेत. येथे सोमेश्वरचे संचालक शैलेश रासकर व लक्ष्मण गोफणे यांच्या पॅनेलचा येथे पराभव झाला आहे.

        वाणेवाडी ग्रामपंचायतीच्या सरपंचपदाच्या उमेदवार दिग्विजय जगताप यांच्या गीतांजली जगताप या निवडून आल्याने सोमेश्वरचे चेअरमन पुरुषोत्तम जगताप यांच्या पॅनेलला मोठा धक्का बसला आहे. त्यांच्या हनुमान ग्रामविकास पॅनेलच्या सरपंचपदाच्या उमेदवार विद्या भोसले यांचा पराभव झाला आहे.

     वाघळवाडी ग्रामपंचायतीत हेमंत गायकवाड हे सरपंचपदी निवडून आले. 

 मासाळवाडी ग्रामपंचायतीच्या पंचवार्षिक निवडणुकीत मार्केटचे माजी सभापती मुरलीधर ठोंबरे यांच्या श्री भैरवनाथ नायकोबा बुवाजीबाबा जनसेवा पॅनेलने बाजी मारत सरपंचपदासह ५ जागांवर विजय मिळवला. 

       सत्ताधारी गटाचे महादेव मासाळ यांच्या पॅनेलला या निवडणुकीत फटका बसल्याने त्यांच्या गटाच्या फक्त 2 जागा निवडून आल्या. 

    सरपंचपदाचे उमेदवार मुरलीधर किसन ठोंबरे यांनी विजत मिळवत सत्ताधाऱ्यांना धूळ चारली.

 लोणीभापकर ग्रामपंचायतीच्या पंचवार्षीक निवडणुकीत सद्गुरु शिक्षण प्रसारक मंडळाचे अध्यक्ष, राष्ट्रवादी काँग्रेसचे जेष्ठ नेते बाबासाहेब भापकर यांच्या नेतृत्वाखाली श्री भैरवनाथ जनशक्ती प्रगती पॅनेलने बाजी मारल्याचे रविंद्र भापकर यांनी सांगितले.  याअगोदर गावावर भापकर गटाची सत्ता होती ती आज कायम राहिली आहे. राज्याचे माजी उपमुख्यमंत्री अजित पवार, खासदार सुप्रिया सुळे, राष्ट्रवादीचे तालुकाध्यक्ष संभाजी होळकर माजी जि.प अध्यक्ष विश्वास देवकाते यांच्या मार्गदर्शनाखाली गावच्या सर्वांगीण विकासाबरोबर विविध शासकीय योजनांचा लाभ वैयक्तीक लाभार्थ्यांना दिल्याने गावकऱ्यांनी विश्वास दाखवत मतदान केले. सतत जनतेसाठी पळणाऱ्या रविंद्र भापकर यांनी पुन्हा एकदा विरोधकांना धूळ चारत आपल्या गावावर वर्चस्व प्रस्थापित केले आहे. मतदारराजा विरोधकांच्या भुलथापांना बळी न पडल्याने सरपंचपदाचे उमेदवार सौ. गितांजली भापकर सह ८ उमेदवारांना निवडून दिल्याचे रविंद्र भापकर यांनी सांगितले.