शिवनगर विद्या प्रसारक मंडळाचे कॉलेज ऑफ कॉमर्स सायन्स अँड कॉम्प्युटर एज्युकेशन माळेगाव (बु) यांच्या संयुक्त विद्यमाने विशेष हिवाळी निवासी श्रमसंस्कार शिबिर थोपटेवाडी गावात सुरू

बारामती :- अमर वाघ

राष्ट्रीय सेवा योजनेतून विद्यार्थ्यांना दिशा

             सावित्रीबाई फुले पुणे विद्यापीठ, राष्ट्रीय सेवा योजना, शिवनगर विद्या प्रसारक मंडळाचे कॉलेज ऑफ कॉमर्स सायन्स अँड कॉम्प्युटर एज्युकेशन माळेगाव (बु)यांच्या संयुक्त विद्यमाने विशेष हिवाळी निवासी श्रमसंस्कार शिबिर 2022- 23  मंगळवार दिनांक 31 जानेवारी 2023 ते 6 फेब्रुवारी 2023 या कालावधीत बारामती तालुक्यातील थोपटेवाडी येथे आयोजित करण्यात आले आहे.

           या शिबिराचे उद्घाटन मा. श्री. प्रा. स्वामीराज भिसे यांच्या हस्ते झाले. कार्यक्रमाच्या अध्यक्षस्थानी संस्थेचे विश्वस्त माननीय रवींद्र दादा थोरात होते.

               या वेळी प्रमुख पाहुणे  म्हणून बोलताना माननीय श्री भिसे सर यांनी स्वयंसेवकांना व्यक्तिमत्व विकासासाठी राष्ट्रीय सेवा योजना कशी महत्त्वाची आहे या विषयावर मार्गदर्शन केले. सामाजिक कार्यातून विद्यार्थ्यांचे व्यक्तिमत्व विकास घडते हे त्यांनी विविध उदाहरणातून मुलांना दाखवून दिले. तरुणांना योग्य वयामध्ये जर मार्गदर्शन मिळाले तर त्यांचे भविष्य सुंदर बनते असेही भिसे सर म्हणाले.

                  तसेच या वेळी ग्रामस्थ, संस्थेचे विश्वस्त मा. श्री. रवींद्रदादा थोरात, कॉलेज प्राचार्य डॉ. अजित चांदगुडे, कार्यक्रम अधिकारी प्रा. आशिष भगत, महिला कार्यक्रम अधिकारी प्राध्यापक बेबीताई झारगड, प्राध्यापक प्रमोद तावरे, प्राध्यापक पूनम केवटे आणि सर्व सहकारी स्वयंसेवक उपस्थित होते. या कार्यक्रमाचे सूत्रसंचालन स्वयंसेवकांनी केले.

            शिबिर आयोजित करण्याकरिता शिवनगर विद्या प्रसारक मंडळाचे उपाध्यक्ष व माळेगाव सहकारी साखर कारखान्याचे अध्यक्ष माननीय श्री बाळासाहेब तावरे तसेच संस्थेचे विश्वस्त मा.श्री वसंतराव तावरे,अनिल जगताप, महेंद्र तावरे, रामदास आटोळे, गणपत देवकाते, सीमा जाधव, चैत्राली गावडे, संस्थेचे सचिव मा. श्री प्रमोद यांचे मार्गदर्शन लाभत आहे.